咩野叫 : 枕頭藥 ? 會唔會有枕頭護膚品 ?

Write By: kim Published In: Created Date: 2017-09-10 Hits: 77 Comment: 0

今日同中醫師食飯,本來都傾得好好地,但係傾下傾下,兩個人又傾返本行,中醫師又講下中醫,我哋又講下濕疹皮膚,天然美容,之後個中醫師介紹咗本書畀我哋睇,入邊有講到關於濕疹治療, 有講到關於護膚品配方嘅問題,諗法同我哋不謀而合,都係主張簡約嘅配方。

其實簡約配方依樣嘢,喺歐美已經講咗好耐,但係一嚟到香港, 好多人會問 : 咁係咪即係偷工減料 ?

我哋問中醫師佢咁答 : 好嘅中醫師開嘅藥,入面唔會多過十種藥材,我哋行內有一種叫做枕頭藥,即係話入邊乜嘢都有,好似 大雜燴咁, 總有機會撞到一隻藥啱你。個問題係, 如果食咗一啲唔對症嘅藥,唔好既藥,對身體唔係一件好事。而且咁樣開藥法,邊使搵中醫師 ? 哈哈,好多人都識開。

人到咗咁上下年紀,有番咁上下閱歷,梗係知道質比量更加緊要, 寧願用更加多嘅錢買更少嘅嘢,我哋同中醫師嘅結論係 : 教育係好長遠嘅事,但係我哋只要教識咗一個人, 佢就會將嗰樣嘢傳開去,咁叫做深耕細作。

Leave A Comment

Captcha